د افغان نړیوال اسلامي پوهنتون د سړکونو بیا رغولو چارې ۷۵ سلنه تر سره شوي دي
د افغان نړیوال اسلامي پوهنتون د سړکونو بیا رغولو چارې ۷۵ سلنه تر سره شوي دي.
د افغان نړیوال اسلامي پوهنتون اړوند د داخلي سړکونو او پیادرونو بیا رغولو پروژې چارې، چې څه موده وړاندې د لوړو زده کړو وزرات له خوا څه د پاسه د ۲۰ میلیونه افغانیو په مالي لګښت سره شروع شوې وې ۷۵ سلنه چارې بشپړې شوې دي.
ددغه پوهنتون مالي او اداري چارو معاونیت اړوند د تدارکاتو او خداماتو آمریت آمر وفي الله عبرت وایې چې د سړکونو او پیادرونو بیارغولو دغه پروژه، چې د شاوخوا ۲.۵ کیلو متره اوږد والي لري د اکبر نصرت ساختماني شرکت له لوري یې د بیا رغولو چاري په ښه کیفیت او منظم ډول سره روانې دي، چې نېږدې راتلونکې کې به یې چارې بشپړې او ګټې اخستنې ته وسپارل شي عبرت زیاتوي، چې د سړکونو او پیادرونود بیا رغولو سره به د پوهنتون چاپیریالي ښکلا سربیره د ترانسپورت په برخه کې اسانتیاوې رامنځته شي.
د یادونې وړ ده، چې د یادې پروژې سربیره د افغان نړویوال اسلامي پوهنتون په انګړ کې د څښاک اوبو یوه حلقه چاه، د زراعت پوهنځي محصلانو ته د عملي زده کړو او څېړونو لپاره د غواښینو چرګانو روزلو یوه باب څېړنیز فارم پروژې هم په کار اچول شوي، چې نېږدې راتلونکې کې به یې چارې بشپړې او ګټې اخستنې ته و سپارل شي.
د نشراتو او عامه اړیکو آمریت
