د مروري مقالو د چمتو کولو، څرنګوالي او نړیوال ژورنالونو کې د خپرولو تر عنوان لاندې ورکشاپ ترسره شو.
د مروري مقالو د چمتو کولو، څرنګوالي او نړیوال ژورنالونو کې د خپرولو تر عنوان لاندې ورکشاپ ترسره شو.
د افغان نړیوال اسلامي پوهنتون محصلانو چارو معاونیت له لوري د غونډو په عمومي تالار کې د مروري مقالو د چمتو کولو، څرنګوالي او نړیوال ژورنالونو کې د خپرولو تر عنوان لاندې یو ورځنی ورکشاپ تر سره شو. په ورکشاپ کې د افغان نړیوال اسلامي پوهنتون د محصلینو په شمول د یو شمیر مرکزي او ولایتي پوهنتونونو محصلینو ګډون درلود.
ورکشاپ د افغان نړیوال اسلامي پوهنتون د انجنیري پوهنځي استاد دوکتور عارف نعیم زاد له خوا وړاندې شو، چې پکې د ژورنال پیژندنه، د ژورنال اهمیت، د نړیوالو او ملي ژورنالونو مقایسه، په نړیوالو ژونالونو د مقالو خپرولو اصول، معیار او اهمیت اړوند موضوعات وړاندې کړه، او همدارنګه د ګډونوالو محصلانو ښه فهم په موخه یې په نړیوال ژورنالونو کې د نشرې شویو معتبرو مقالو نمونې هم شریکې شوې، او ترڅنګ یو شمیر معتبر نړیوال ژورنالونه هم ور وپیژندل شول.
د افغان نړیوال اسلامي پوهنتون اداره تل هڅه کوي، چې خپل محصلین په علمي او څېړنیز ډګر کې په اغېزمنه توګه وروزي او هغوی ته هغه علمي، څېړنیز او تدریسي امکانات برابر کړي، چې د معیاري زدهکړو او نړیوالو علمي معیارونو د پلي کېدو لپاره اړین دي.
د نشراتو او عامه اړیکو آمریت
۱۹/۱۱/۱۴۰۴
