د مالي او اداري چارو معینت له لوري د پوهنتون د مالي او اداري چارو معاونیت ارزونه ترسره شوه.
د مالي او اداري چارو معینت له لوري د پوهنتون د مالي او اداري چارو معاونیت ارزونه ترسره شوه.
د لوړو زده کړو وزارت د مالي او اداري چارو معینت له لوري د افغان نړیوال اسلامي پوهنتون د مالي او اداري چارو معاونیت څخه د اصلاحي ارزونې په موخه هر اړخیزه ارزونه ترسره شوه.
یاده ارزونه د لوړو زده کړو وزارت د مالي او اداري چارو معین محترم شیخ صاحب ضیاءالرحمن اریوبي په مشرۍ تر سره شوه، چې ورسره د نشراتو او عامه اړیکو، مالي او حسابي چارو، تدارکاتو او خدماتو، معلوماتي ټکنالوژۍ او کارکوونکو چارو ریاستونو مسؤلینو ملتیا کوله. پلاوي د پوهنتون د مالي او اداري چارو معاونیت او اړوندو آمریتونو کلنۍ کړنې او اجراآت وارزول.
د ارزونې په پیل کې د افغان نړیوال اسلامي پوهنتون رئیس، پوهندوی دوکتور رفیعالله عطاء، راغلو پلاوو ته ښه راغلاست ووایه. ورپسې د لوړو زده کړو وزارت د مالي او اداري چارو معین محترم شیخ صاحب ضیاءالرحمن اریوبي خپله پرانیستونکې وینا وړاندې کړه.
ښاغلي اریوبي د مالي او اداري چارو په برخه کې د اصلاحاتو، شفافیت، حساب ورکونې او د کاري بهیرونو د لا پیاوړتیا پر اهمیت ټینګار وکړ او مسؤلینو ته یې سپارښتنه وکړه، چې چارې د نافذه قوانینو او مقرراتو له مخې په اغېزمن، منظم او معیاري ډول ترسره کړي.
وروسته یاد پلاوي د مالي او اداري چارو معاونیت او اړوندو آمریتونو فعالیتونه له نږدې وارزول. همدارنګه د ۱۴۰۴ هـ.ش کال ترسره شوي فعالیتونه، نوښتونه او پرمختګونه یې وڅېړل او د اړوندو آمریتونو د مسؤلینو ستونزې یې واورېدې. پلاوي ډاډ څرګند کړ، چې یادو ستونزو ته به په مناسب وخت کې رسېدنه وشي.
د یادونې وړ ده، چې څو ورځې وړاندې د لوړو زده کړو وزارت د علمي چارو معینت له لوري هم د افغان نړیوال اسلامي پوهنتون د علمي چارو معاونیت او د څېړنو او علمي مجلې معاونیت څخه ورته ارزونه ترسره شوې وه.
د نشراتو او عامه اړیکو آمریت
۱۴۰۴/۱۲/۶
