افغان نړیوال اسلامي پوهنتون کې د صفایۍ په پار عمومي حشر ترسره شوه
د حشر په دې مراسمو کې د افغان نړیوال اسلامي پوهنتون د مالي او اداري چارو مرستیال قاري عبدالستار حیدري، د علمي څېړنو مرستیال پوهندوی دوکتور محمد ولې سالاري، د انجینرۍ پوهنځي رئیس پوهنیار عبدالحی کیوان، د زراعت پوهنځي رئیس پوهنیار نثار احمد زاهد، یو شمېر آمرینو، مدیرانو او خدماتي کار کوونکو برخه اخیستي وه.
د یاد حشر په ترڅ کې چې د پوهنتون بیلا بیلې برخې صفا او پاکې شوي، د پوهنتون مالي او اداري چارو مرستیال قاري عبدالستار حیدري د طهارت او پاکۍ په ارزښت خبرې وکړې او له خپلو ټولو کارمندانو څخه یې وغوښتل چې هر وخت د خپلو شعبو او پوهنتون هرې برخې د صفایۍ پوره خیال وساتي، نوموړي زیاته کړه چې د پوهنتون د ښه صفايۍ او پاکۍ په خاطر به وخت نا وخت ورته حشرونه ترسره کوو.
نېټه : یکشنبه
۱۴۰۲/۱۰/۱۷ هـ ش ـــــ ۱۴۴۵/۰۶/۲۴ هـ ق
