د افغان نړیوال ساینس ژورنال (AIJS) د لومړۍ ګڼې بریالۍ خپرېدا.

د افغان نړیوال ساینس ژورنال (AIJS) د لومړۍ ګڼې بریالۍ خپرېدا.
د افغان نړیوال اسلامي پوهنتون اړوند «افغان نړیوال ساینس ژورنال (AIJS)» د خپلې لومړۍ رسمي ګڼې (جلد ۱، ګڼه ۱ - ۲۰۲۵م) خپرېدا اعلانوي. دا ګڼه، چې د ژورنال د بنسټیز علمي فعالیت پیل بلل کېږي، شپږ هم مهاله ارزول شوې علمي مقالې رانغاړي، چې د ملي او سیمه‌ ییزو ساینسي او تطبیقي اړتیاوو پر بنسټ چمتو شوې دي.
په یاده ګڼه کې خپرې شوې مقالې د ساختماني او مدني انجینري، د ساختماني او ویجاړ شوو توکو مدیریت، د سړکونو او موادو انجینري، عددې سمولیشن، روغتیايي علوم او د انګلیسي ژبې تدریس برخو موضوعات تر پوښښ لاندې خپرېشوي دي.
د مقالې لیکوالان د هېواد له مخکښو علمي بنسټونو او پوهنتونونو سره تړاو لري، چې څېړنې یې د علمي معیارونو پر بنسټ تر سره شوې دي. دا ګام د علمي پراختیا، څېړنیزې همکارۍ، او د علمي ظرفیت د لوړولو په لور مهم پرمختګ ګڼل کېږي.
د ژورنال لومړۍ ګڼه د AIJS پر رسمي وېب‌ پاڼه وړیا او آنلاین د لاس ‌رسي لپاره چمتو ده:  https://aijs.aiiu.edu.af 
د افغان نړیوال اسلامي پوهنتون مشرتابه ژمنه لري، چې د علمي څېړنو د ودې، د څېړونکو د ملاتړ، او د علمي اعتبار د لوړولو په موخه، د ملي او نړیوالو معیارونو پر بنسټ خپلو علمي هڅو ته دوام ورکړي.
د نشراتو او عامه اړیکو آمریت