په افغان نړیوال اسلامي پوهنتون کې درې ورځنی دیني او اصلاحي سیمینار پیل شو.

په افغان نړیوال اسلامي پوهنتون کې درې ورځنی دیني او اصلاحي سیمینار پیل شو.
نن سه شنبه د روان کال دلوې میاشتې له ۱۴مي نېټې سره برابره ده، په افغان نړیوال اسلامي پوهنتون کې د درې ورځني دیني او اصلاحي سیمینار لړۍ د پوهنتون د رهبرۍ او ټولو کارکوونکو په ګډون پیل شوه.
د یادې غونډې د پرانیستې او ښه راغلاست وینا د پوهنتون د علمي چارو مرستیال پوهنوال دوکتور عبدالواحد لیاقت له لوري وړاندې شوه. نوموړي په خپله وینا کې د دیني اصلاح ارزښت ته اشاره وکړه او دا ډول پروګرامونه یې د فکري او اخلاقي ودې لپاره مهم وبلل.
ورپسې د کابل د علماوو شورا غړي مفتي رفیع الحق صدیقي د «اخلاص، زهد، تقوی او د نیت اصلاح» پر موضوعاتو بشپړ معلومات وړاندې کړه. 
رفیع الحق "صدیقي" ګډونوالو ته د اخلاص او پاک نیت پر اهمیت خبرې وکړې او وویل چې د دیني اصلاح بنسټ د انسان له نیک نیت څخه پیلېږي. 
همدارنګه ور پسې د افغان نړیوال اسلامي پوهنتون سرپرست رئیس پوهندیو دوکتور رفیع الله عطاء د «اسلامي نظام اهمیت، ګټې، اهداف او د هغه د ساتنې مسؤلیت» پر موضوعاتو مفصل بیان تر سره کړه. 
دوکتور رفیع الله عطاء په خپله وینا کې وویل، چې اسلامي نظام د ډېرو قربانیو په پایله کې رامنځته شوی او د ټولو مسلمانانو مسؤلیت دی، چې له اخلاص، درنښت او بشپړ اطاعت سره یې ملاتړ وکړي.
د یادونې وړ ده، چې د دیني او اصلاحي سیمینار دغه لړۍ به په راتلونکو دوو نورو ورځو کې هم دوام ولري، چې د بېلا بېلو دیني علماوو له لوري به په مختفلو موضوعاتو باندې معلومات وړاندې شي.
د نشراتو او عامه اړیکو آمریت