د دوکتورا برنامې د تیزس دفاع غونډه ترسره شوه.
د دوکتورا برنامې د تیزس دفاع غونډه ترسره شوه.
نن یکشنبه د افغان نړیوال اسلامي پوهنتون د شرعیاتو پوهنځي د قضاء او شرعي سیاست څانګې د دوکتورا برنامې څخه د دوهم محصل د تیزس دفاع د یوې غونډې په ترڅ کې په بریالۍ توګه ترسره شوه.
د تیزس دفاع په دغه غونده کې د افغان نړیوال اسلامي پوهنتون سرپرست رئیس پوهندوی دوکتور رفیع الله عطاء، د پوهنتون مرستیالانو، دپوهنځیو رئیسانو، د شرعیاتو پوهنځي استادانو او محصلانو ګډون درلود.
د غونډې په پیل کې د علمي چارو معاونیت مرستیال، پوهنوال دوکتور عبدالواحد لیاقت، ګډونوالو ته د ښه راغلاست ترڅنګ وویل چې افغان نړیوال اسلامي پوهنتون د ټولنې د علمې پرمختګ او ځان بساینې لپاره غوره کدرونه روزي او دا پوهنتون د دوکتورا او ماسټرۍ په برخه کې داسې برنامې لري چې د هېواد په کچه په نورو پوهنتونو کې شتون نه لري.
ورپسې، د پوهنتون سرپرست رئیس، دوکتور رفیع الله عطاء، ګډونوالو ته هرکلی ووایه او د شرعیاتو پوهنځي له استادانو څخه قدرداني وکړه چې د محصلانو د علمي روزنې لپاره نه ستړې کېدونکې هڅې کوي.
رفیع الله عطاء ټولنې ته د دغه ډول علمي کدرونه وړاندې کول نه یواځې د افغان نړیوال اسلامي پوهنتون بلکې د لوړو زده کړو وزارت او د ټول هېواد د علمي نظام لپاره یوه مهمه او ستره لاسته راوړنه وبلله.
ورپسې، د شرعیاتو پوهنځي د دوکتورا برنامې محصل، ذکي الله ذکي، خپله تیزیس د أسباب العدول عن القیاس وتطبیقاته في الهدایة تر عنوان لاندې ترتیب شوي تیزس څخه د سبب تعریف، د عدول مفهوم، د قیاس تعریف، د قیاس پریښودل اسباب په کتاب د ایمان، حدود او سرقت کې، د مصنف پېژندنه، د الهدایة کتاب او د نور اړوند موضوعاتو خلاصه وړاندې کړه.
د غونډې وروستې برخه کې د خارجي مناقش پوهنوال دوکتور عبدالله حقیار او د داخلي مناقش پوهنوال دوکتور محمد یونس ابراهیمي لخوا د حاضرینو په حضور کې مناقشه تر سره شوه.
شنبه: ۱۶/۱/۱۴۰۵ـــــ۱۸/۱۰/۱۴۴۷
د نشراتو او عامه اړیکو آمریت
