د ادارة الوقت (د وخت د مدیریت) تر عنوان لاندې علمي سیمینار ترسره شو
د ادارة الوقت (د وخت د مدیریت) تر عنوان لاندې علمي سیمینار ترسره شو.
د افغان نړیوال اسلامي پوهنتون علمي چارو معاونیت اړوند د ظرفیت لوړونې آمریت له لورې د "ادارة الوقت" تر عنوان لاندې علمي سیمینار وړاندې شو.
په یاد سیمینار کې د پوهنتون سرپرست رئیس محترم پوهندوی دوکتور رفیعالله عطاء، د پوهنتون د معاونیتونو مرستیالانو، د پوهنځیو رئیسانو او استادانو ګډون درلود.
د سیمینار پیل د علمي چارو د مرستیال پوهنوال دوکتور عبدالواحد لیاقت لخوا د پرانستې وینا سره تر سره وشو، نوموړي د علمي سیمینارونو پر ارزښت، اړتیا او موخو خبرې وکړې.
دغه علمي سیمینار د شرعیاتو پوهنځي استاد، دوکتور سید رضوان حازم لخوا وړاندې شو، چې پکې د وخت د مدیریت اړوند مفصل او هر اړخیز معلومات وړاندې شول. استاد حازم په خپلو خبرو کې ټینګار وکړ، چې د اداري چارو د مؤثریت، نظم او پر وخت ترسره کېدو لپاره باید وخت ته ځانګړې پاملرنه وشي.
د غونډې په پای کې د علمي چارو معاونیت مرستیال دوکتور عبدالواحد لیاقت د سیمینار ارزونه وکړه، هغه یې ګټور وباله او له استاد سید رضوان حازم څخه یې د وړاندې شوې علمي موضوع مننه وکړه.
د نشراتو او عامه اړیکو آمریت
