د څلورو خالي بستونو لپاره آزموینه واخیستل شوه

د څلورو خالي بستونو لپاره آزموینه واخیستل شوه
د افغان نړیوال اسلامي پوهنتون له لوري د څلورو خالي بستونو لپاره آزموینه واخیستل شوه.  
یاده آزموینه د پوهنتون د سرپرست رئیس محترم دوکتور رفیع الله عطاء په نظارت ترسره شوه. نوموړي د آزموینې له پیل مخکې ګډونوالو ته د ښه راغلاست ترڅنګ، د شفافې پروسې اړوند ډاډ ورکړ او څرګنده یې کړه، چې پوهنتون د اهلیت او وړتیا پر بنسټ د افرادو جذب ته ژمن دی.  
په دغه آزموینه کې د طب پوهنځي لابرانټ متخصص (NTA)، د زراعت پوهنځي اجرائیه مديريت، د انجنیري پوهنځي لابرانټ او د شرعیاتو پوهنځي تدریسي مدیریت خالي بستونو لپاره کاندیدان شامل وه.
ټول ۴۵ تنو کاندیدانو پکې ګډون کړی و، چې له آزموینې وروسته به له بریالیو کسانو سره مرکې (انټرویو) ترسره شي، او بریالي کاندیدان به یادو بستونو ته وګمارل شي.
د یادونې وړ ده، چې د افغان نړیوال اسلامي پوهنتون د استخدام پروسه تل پر شفافیت، اهلیت او اصولو ولاړه وي، تر څو مستحق او وړ اشخاص د دندو موقع ترلاسه کړي. 
د نشراتو او عامه اړیکو آمریت