امتحان سه برنامه دکتورا برگزار گردید.

امتحان سه برنامه دکتورا برگزار گردید.
الیوم پنجشنبه ، امتحان برنامه‌های دکتورا به‌منظور جذب محصلان برای سمستر بهاری پوهنځی‌های طب، انجینری و زراعت مربوط به پوهنتون اسلامی بین‌المللی افغان به ‌گونهٔ موفقانه و منظم برگزار گردید.
این امتحان برای رشته ‌های میکروبیولوژی پوهنځی طب، تغذیه و تولید حیوانی پوهنځی زراعت و انجنیری صنعتی پوهنځی انجنیری اخذ گردید. این روند با حضور آمر تقرر و ترفیعات پوهنتون‌های خصوصی وزارت تحصیلات عالی و هیئت همراه وی، رئیس محترم پوهنتون اسلامی بین‌المللی افغان دوکتور رفیع‌الله عطاء، و معاونین امور علمی، و سرپرست معاونیت امور محصلان، تحقیقات و مجلهٔ علمی برگزار گردید.
در آغاز امتحان، رئیس پوهنتون دوکتور رفیع‌الله عطاء از اشتراک ‌کنندگان استقبال نموده و به داوطلبان اطمینان داد که روند امتحان با شفافیت و عدالت کامل برگزار می ‌گردد. وی همچنان برای همهٔ اشتراک ‌کنندگان آرزوی موفقیت نمود.
دوکتور عطاء در سخنان خویش گفت: ((پوهنتون اسلامی بین‌المللی افغان به‌ منظور تربیه کادرهای مسلکی و متخصص برای جامعه تأسیس گردیده است تا در آینده در خدمت کشور و جامعه قرار گیرند. در این پوهنتون تنها افرادی فرصت ادامهٔ تحصیل تخصصی را می‌یابند که بر اساس توانایی و شایستگی خویش موفق شوند.))
متعاقباً، معاون امور علمی پوهنمل دوکتور عبدالواحد لیاقت معلومات همه‌جانبه را در مورد شفافیت امتحان و روند اجرایی آن به داوطلبان ارائه نمود.
قابل ذکر است که برای سه برنامهٔ متذکرهٔ دکتورا در پوهنتون اسلامی بین‌المللی افغان، حدود ۴۰ تن از داوطلبان رقابتی و کادری ثبت‌نام نموده بودند که امتحان آنان امروز در فضای آرام و شفاف برگزار گردید.