د افغان نړیوال اسلامي پوهنتون سرپرست رئیس: د امیرالمؤمنین (حفظهالله تعالی ورعاه) د فرامینو پلي کېدل او د تدریس کیفیت لوړول لومړیتوب دی.
د افغان نړیوال اسلامي پوهنتون سرپرست رئیس: د امیرالمؤمنین (حفظهالله تعالی ورعاه) د فرامینو پلي کېدل او د تدریس کیفیت لوړول لومړیتوب دی.
د افغان نړیوال اسلامي پوهنتون سرپرست رئیس، پوهندوی دوکتور رفیع الله عطاء د پوهنتون د علمي شورا په غونډه کې د امیرالمؤمنین حفظ الله تعالی ورعاه له لوري د توشیح شویو فرامینو د تطبیق پر اهمیت ټینګار وکړ.
دوکتور رفیع الله عطاء وویل، چې د ټولو توشیح شویو فرامینو اطاعت د پوهنتون د ټولو منسوبینو مکلفیت دی او زیاته یې کړه چې یاد فرامین باید په ټولو چارو کې په بشپړه توګه عملي شي.
ورته مهال دوکتور رفیع الله عطاء د تدریسي بهیر د کیفیت لوړولو، اداري نظم پیاوړتیا او د اسلامي اصولو د عملي کېدو په اړه وویل، چې د پوهنتون ټول کارکوونکي او استادان باید د خپلو مسلکي دندو ترڅنګ د اسلامي امارت له اصولو او نافذو مقرراتو سره ژمنتیا ولري، او ټینګار وکړ چې د محصلانو د تدریسي بهیر څارنه د استادانو له اساسي مسؤلیتونو څخه ده.
نوموړي زیاته کړه، چې د پوهنځیو تدریسي بهیر به په منظم ډول ارزول کېږي، څو د زده کړې کیفیت لا لوړ او معیاري شي.
د یادونې وړ ده، چې افغان نړیوال اسلامي پوهنتون د معیاري تدریس ترڅنګ د اسلامي اصولو او نافذه قوانینو پلي کولو ته ژمن دی او خپلې ټولې چارې به د همدې اصولو په رڼا کې پرمخ وړي.
دوشنبه: ۱۴۴۷/۱۰/۱۱هـ.ق ۱۴۰۵/۲/۷هـ.ش
د نشراتو او عامه اړیکو آمریت
