د پوهنتون سرپرست رئیس د ، طب، انجینري او زارعت پوهنځيو له مسؤلینو د زده کړو کیفیت لوړو په موخه د همغږۍ غونډه تر سره کړه
د پوهنتون سرپرست رئیس د ، طب، انجینري او زارعت پوهنځيو له مسؤلینو د زده کړو کیفیت لوړو په موخه د همغږۍ غونډه تر سره کړه.
د افغان نړیوال اسلامي پوهنتون سرپرست رئیس پوهندوی دوکتور عبدالواحد لیاقت، چې د تضمین کیفیت آمر پوهندوی دوکتور سید جاوید عظیمي ورسره ملتیا کوله د طب، انجنیري او زراعت پوهنځیو له رئیسانو او استادانو سره د تدریس د کیفیت لوړو او د په پوهنځیو کې د شته ستونزو حل کولو په موخه د هغږۍ غونډه تر سره کړه. رئیسانو په پوهنځیو کې د شته لابراتوارونو عمومي وضعیت په اړه وضاحت وړاندې کړ او د عملي زده کړو کیفیت لوړو په موخه یې د پرمختللو تجهیزاتو کمښت، د مصرفېدونکو موادو کموالی او نوې ټکنالوژۍ ته نهلاسرسی یې د عمده ستونزو په توګه یاد کړل شول.
د پوهنتون سرپرست رئیس دوکتور عبدالواحد لیاقت د پوهنځيو رئیسانو او استادانو ته د ستونزو د حل ډاډ ورکړه او ټینګار وکړ، په وروستیو کلونو کې چې افغان نړیوال اسلامي پوهنتون له ملي او نړیوالو بنسټونو سره د پوهنتون د پرمختګ په موخه چې کوم د همکاریو تفاهم لیکونه لاسلیک کړي، باید د هغوی ګټې په مؤثره توګه عملي شي.
په پای کې د پوهنتون سرپرست رئیس د پوهنځيو له مسؤلینو او استادانو څخه غوښتنه وکړه، چې په جدي ډول د محصلانو د عملي زده کړو د کچې د لوړولو لپاره هڅې وکړي او د همکاریو فرصتونه په مؤثر ډول وکاروي.
د یادولو وړ ده، چې د افغان نړیوال اسلامي پوهنتون رهبري تل هڅه کړې ده، چې محصلانو ته د نظري زده کړو تر څنګ په عملي توګه د زده کړو زمینه برابر کړي؛ تر څو محصلان د بازار د غوښتنو او تقاضاو سره په معیاري ډول ورزول شي.
