د کیفیت لوړونې آمریت میاشتنۍ غونډه تر سره شوه
د کیفیت لوړونې آمریت میاشتنۍ غونډه تر سره شوه
د افغان نړیوال اسلامي پوهنتون د کیفیت لوړونې امریت له لوري د کیفیت ارزونې د نتایجو شریک کولو په موخه ناسته ترسره شوه.
یاده غونډه چې د معمول مطابق هره میاشت د علمي معاونیت په مشري تر سره کېږه، موخه یې په علمي او اداري برخو کې د کیفیت او ټاکل شویو ۱۱ اصلي معیارونو د پلي کېدو تعقیب او پر وړاندې یې منځته راغلي موانع لمنځه وړل دي.
غونډې ته د ښه راغلاست په وینا کې د پوهنتون د علمي چارو مرستیال پوهندوی دوکتور رفیع الله عطاء وویل؛ افغان نړیوال اسلامي پوهنتون په هېواد کې لمړنۍ نړیواله تحصیلي منبع یاده کړه او ټینګار یې وکړ، چې اړینه ده نړیوال زده کړیز معیارونه مراعت کړای شي، ترڅو یو د وخت له غوښتنو سره سم تحصلي بنسټ منځته راغلی وي.
ورپسې د کیفیت لوړونې آمریت امر استاد عبیدالله محق د تېري آرزونې چې د دوی له لوري ترسره شوې وه، نتایج شریک کړل او ګډونوالو پرې خپلي تبصرې هم شریکي کړې.
یاده غونډه هره میاشت په داسي حال کې تر سره کېږي، چې د پوهنتون اړونده معاوینتونو استازي، د پوهنځیو مسؤلین او استادان یې ګډونوال وي.
