علمي معاونیت

۱- پېژندنه

الحمد لله و الصلاة و السلام على رسول الله و على آله و صحبه و من والاه. وروسته! افغان نړیوال اسلامي پوهنتون په افغانستان کې لومړنی نړیوال پوهنتون دی چې د اسلامي امارت له بیا واکمنېدو وروسته تأسیس شوی دی. د اسلامي امارت د رهبرۍ او د لوړو زده کړو وزارت د ځانګړې پاملرنې له مخې، په هېواد کې د متخصصو او باکیفیته کادرونو د روزنې لپاره د لوړو زده کړو د مرکزونو جوړول اړین وبلل شول.

د افغانستان اسلامي امارت د کابینې د ۱۴۰۰/۰۹/۰۱ نېټې د پرېکړې پر بنسټ، افغان نړیوال اسلامي پوهنتون (AIIU) تأسیس شو. د دې علمي مرکز موخه د دیني او ملي ارزښتونو په رعایت او لوړ کیفیت سره د هېواد د متخصصو او علمي کادرونو روزنه ده.

د پوهنتون رهبري باور لري چې د هېواد پرمختګ او ثبات یوازې د باکیفیته زده کړو له لارې ترلاسه کېدای شي. د لوړو زده کړو وزارت په همکارۍ او د پوهنتون د رهبرۍ په دوامداره هڅو سره، په لنډه موده کې یو معیاري علمي چاپېریال رامنځته شو چې د خلکو پام یې ځان ته واړاوه.

اوس مهال دغه پوهنتون په څلورو پوهنځیو، یعنې انجینري، کرنې، طب او شرعیاتو کې په ۱۷ بېلابېلو څانګو کې د ماسټرۍ او دوکتورا پروګرامونه وړاندې کوي او متخصص علمي کادرونه روزي.

۲- لرلید

د اسلامي، ملي او معاصرو ارزښتونو پر بنسټ د یوه مخکښ نړیوال علمي او څېړنیز مرکز په توګه پېژندل کېدل.

۳- رسالت

افغان نړیوال اسلامي پوهنتون د وړ مدیریت، باکیفیته زده کړو، څېړنو او نوښتونو له لارې د ټولنې د هر اړخیز پرمختګ لپاره فعالیت کوي.

۴- موخې

• د اسلامي او ملي ارزښتونو پر بنسټ د علمي کچې لوړول.
• په ملي او سیمه‌ییزه کچه د علمي، متخصصو او مسلکي کادرونو روزل.
• په هېواد کې د لوړو زده کړو د ترلاسه کولو زمینه برابرول.
• د ټولنې د اړتیاوو مطابق معیاري څېړنې ترسره کول او د هېواد په ملي مسایلو کې فعاله ونډه اخیستل.

۵- ارزښتونه

• دین: د اسلامي اصولو عملي کول.
• رښتینولي: اخلاقي، صادقانه او عادلانه چلند.
• زړورتیا: رهبري، د مسؤلیت منل او ځواب‌ویلو ته چمتووالی.
• غوره‌والی: د غوره‌والي او ځانګړتیا لپاره هڅه.
• اغېزمنتیا: پیاوړتیا، فعالول او دوامداره هڅې.

۶- تشکیلاتي جوړښت

افغان نړیوال اسلامي پوهنتون د هېواد لومړنی نړیوال پوهنتون دی چې د ریاست ترڅنګ علمي، څېړنیز، نړیوالو اړیکو، محصلانو چارو او مالي او اداري معاونیتونه لري. دغه جوړښت داسې طرحه شوی چې ټولې علمي او اداري چارې په بشپړې همغږۍ ترسره شي.

۷- د پوهنتون شوراګانې

د پوهنتون د چارو د منظم پرمختګ لپاره بېلابېلې شوراګانې جوړې شوې دي. دغه شوراګانې د غونډو، مشورو او لارښوونو له لارې د چارو په ښه‌والي او د ستونزو په حل کې مرسته کوي.

• د امناء شورا
• علمي شورا
• د تقرر او انفکاک شورا
• د علمي خپرونو شورا
• اداري شورا

۸- د علمي چارو معاونیت

پېژندنه

د افغان نړیوال اسلامي پوهنتون د علمي چارو معاونیت اساسي اهمیت لري او د ټولو علمي پروګرامونو د رامنځته کولو، د کورنیو او بهرنیو علمي کادرونو د جذب او د علمي ظرفیت د لوړولو مسؤلیت پر غاړه لري. دغه معاونیت په څلورو پوهنځیو، یعنې شرعیاتو، انجینري، کرنې او طب کې د ماسټرۍ او دوکتورا په ۱۷ پروګرامونو کې فعالیت کوي.

تشکیلاتي جوړښت

دغه معاونیت دوه آمریتونه او اووه مدیریتونه لري او خپلې چارې په بشپړې همغږۍ ترسره کوي.

علمي پروګرامونه

د علمي چارو معاونیت په یادو څلورو پوهنځیو کې د ماسټرۍ او دوکتورا ۱۷ پروګرامونه پلي کوي او د نویو پروګرامونو جوړولو ته هم دوام ورکوي.

د استادانو د چارو تنظیم

دغه معاونیت هڅه کوي چې د لوړو زده کړو پروګرامونو لپاره د دوکتورا لرونکي او تجربه‌کار استادان جذب او وګماري. همدارنګه، یو شمېر تجربه‌کار بهرني استادان د تدریس، څېړنې او د محصلانو د لارښوونې لپاره ګومارل شوي دي او تمه ده چې شمېر یې په تدریجي ډول زیات شي.

د کیفیت لوړول

د کیفیت لوړونې آمریت د پروګرامونو، استادانو او د محصلانو د زده کړو څارنه کوي. د اړوندو فعالیتونو د پلي کولو لپاره لاندې کمېټې جوړې شوې دي:

• د کیفیت لوړونې کمېټه
• د ستراتېژیک پلان کمېټه
• د درسي نصاب کمېټه
• د نظم او انضباط کمېټه
• د برېښنايي زده کړو کمېټه
• د ازموینو کمېټه
• د فرهنګي چارو کمېټه
• د روڼتیا کمېټه
• د دعوت او ارشاد کمېټه

۹- د ظرفیت لوړونې آمریت (PDC)

د مسلکي پراختیا مدیریت د علمي معاونیت په چوکاټ کې د کنفرانسونو، سیمینارونو، ورکشاپونو او لنډمهالو، منځمهالو او اوږدمهالو روزنیزو پروګرامونو له لارې د استادانو ظرفیت لوړوي.

۱۰- د همکارۍ تفاهم‌لیکونه

• شیخ زاید پوهنتون
• جامعة عبدالله بن مسعود
• انستیو پوهنتون
• ابوعلي سینا طبي پوهنتون
• پروان پوهنتون
• البیروني پوهنتون
• میثم تولیدي شرکت
• د افغانستان بانک
• د افغانستان ملي بانک
• فاریاب پوهنتون
• کندز پوهنتون
• جوزجان پوهنتون
• کندهار پوهنتون
• د ایران علمي ـ صنعتي پوهنتون
• د پاکستان NUST پوهنتون
• د عامه خدمتونو وزارت
• د عامې روغتیا وزارت مرکزي لابراتوار
• امیري روغتون
• د عامې روغتیا وزارت د خوړو او درملو معینیت

۱۱- د افغان نړیوال اسلامي پوهنتون د ۱۴۰۵ هـ.ش. کال د بهرنیو استادانو نوملړ

لاندې جدول د ۱۴۰۵ هـ.ش. کال د بهرنیو استادانو نومونه، هېوادونه، تحصیلي درجې، پوهنځي او اړوند ډیپارټمنټونه ښيي.

۱۲- د بهرنیو استادانو احصایوي لنډیز

د ۱۴۰۵ هـ.ش. کال د ورکړل شوي نوملړ له مخې، د پوهنتون په پنځو پوهنځیو کې ټول ۳۱ بهرني استادان شامل دي.