د افغان نړیوال اسلامي پوهنتون د نړیوالو اړیکو مرستیال په ترکيه کې د نجم الدین اربکان پوهنتون د بهرنیو اړیکو له مسؤول سره انلاین ناسته وکړه.

په دې انلاين ناسته کې د افغان نړيوال اسلامي پوهنتون د بهرنيو اړيکو مرستيال احمدالله احمدزي د ترکيې د نجم الدين اربکان پوهنتون سره په اړيکه خوښي څرګنده کړه او د ياد پوهنتون له رهبري يې وغوښتل، چې له افغان نړیوال اسلامي پوهنتون سره خپلې علمي، اکاډمیکي او  څېړنېزې  تجربې، لاسته راوړنې او پرمختګونه شریک کړي.
ورپسې د نجم الدین اربکان پوهنتون د بهرنیو اړیکو  مسؤول پروفیسور فطرت یلداز هم د خپلو خبرو په جریان کې خوښي څرګنده کړه چې دوی نن په افغانستان کې د يوه نړیوال پوهنتون سره انلاین ناسته کوي او په اړونده برخه کې به ورسره د همکارۍ تر څنګ خپلې تجربې او څېړنې شریکه وي.
 ناسته کې د دوه اړخيزو اړيکو او همکاريو په زياتولو خبرې په داسې حال کې وشوې چې د افغان نړیوال اسلامي پوهنتون د علمي څېړنو مرستیال پوهندوی دوکتور محمد ولي سالاري او د نجم الدین اربکان پوهنتون د  بهرنیو اړیکو د  مسؤول مرستیال پروفیسر ډاکټر سادات هم حضور لاره، چې دوی هم د ناستې په جریان کې خپل نظرونه شریک کړل.
نېټه : چهارشنبه
۱۴۰۳/۰۴/۲۷ هـ ش ــــــ ۱۴۴۶/۰۱/۱۱ هـ ق