اداري کارکوونکو ته د اداري فساد تر عنوان لاندې اصلاحي بیان وړاندې شو

اداري کارکوونکو ته د اداري فساد تر عنوان لاندې اصلاحي بیان وړاندې شو.
نن چهارشنبه چې د ۱۴۰۴ هـ.ش کال د عقرب له ۲۸مې نېټې سره سمون خوري، د افغان نړیوال اسلامي پوهنتون د دعوت او ارشاد آمریت له لوري د پوهنتون په مسجد شریف کې د "اداري فساد" تر عنوان لاندې اصلاحي بیان تر سره شو.
دغه بیان د دعوت او ارشاد آمر مولوي عبدالقیوم حقاني له لوري وړاندې شو، چې په ترڅ کې یې اداري کارکوونکو ته د اداري فساد د پېژندنې، اداري فساد مخنیوي، اداري فساد زیانونو او دې ورته موضوعاتو باندې د شریعت په رڼا کې بشپړ معلومات ورکړل شو.
د دعوت او ارشاد آمر مولوي عبدالقیوم حقاني په خپلو خبرو کې وویل، چې هغه دولتونه او نظامونه چې په اداري فساد کې ښکېل وي، د وخت څخه مخکې له منځه تللي دي. مولوي عبدالقیوم حقاني  زیاته کړه، چې الله تعالی د فساد کوونکو او مفسدینو سرنوشت هلاکت ټاکلی دی.
 د یادونې وړ ده چې د افغان نړیوال اسلامي پوهنتون د دعوت او ارشاد آمریت له لوري دا ډول اصلاحی پروګرامونه د دیني پوهاوي د لوړولو، اداري سالم مدیریت، او د فساد ضد ذهنيت پیاوړتیا په موخه دوام لري.
د نشراتو او عامه اړیکو آمریت