د امـ.ـیرالمـ.ـؤمنـ.ـین حفـ.ـظه الله تعـ.ـالی ورعاه د فرامینو تشریح او د پوهنځیو په کچه د ستراتیژیک پلان جوړونې په اړه علمي سیمینارونه ترسره شول.
د امـ.ـیرالمـ.ـؤمنـ.ـین حفـ.ـظه الله تعـ.ـالی ورعاه د فرامینو تشریح او د پوهنځیو په کچه د ستراتیژیک پلان جوړونې په اړه علمي سیمینارونه ترسره شول.
نن شنبه د افغان نړیوال اسلامي پوهنتون د علمي چارو معاونیت اړوند د استادانو د مسلکي پرمختیايي مرکز له لوري، د امـ.ـیرالمـ.ـؤمنـ.ـین حفـ.ـظه الله تعـ.ـالی ورعاه د فرامینو تشریح او د پوهنځیو په کچه د ستراتیژیک پلان جوړنې تر عنوانونو لاندې دوه علمي سیمینارونه ترسره شول، چې په کې د پوهنتون د رهبرۍ شورا غړو او د بېلابېلو پوهنځیو استادانو ګډون کړی و.
لومړی سیمینار د افغان نړیوال اسلامي پوهنتون د علمي چارو مرستیال پوهنوال دوکتور عبدالواحد لیاقت له لوري وړاندې شو. نوموړي د امیرالمؤمنین حفظهالله تعالی ورعاه د توشیح شوو فرمانونو له جملې څخه د مبلغینو قانون تشریح او وړاندې کړ.
په دغه سیمینار کې د مبلغ پېژندنه، د مبلغ شرایط، د مبلغ آداب، د دعوت وسایل، د مبلغ مکلفیتونه، د ریاستونو او آمریتونو دندې او نور اړوند موضوعات په تفصیل سره بیان شول.
دوهم سیمینار د زراعت پوهنځي رئیس پوهندوی دوکتور محمد اسماعیل هاشمي له لوري وړاندې شو، چې په کې د ستراتیژیک پلان جوړونې اړتیا، د ستراتیژیک پلان ارزښت، موخې، د پلان جوړونې میتودونه، لومړیتوبونو ټاکنه او نور اړوند موارد په هر اړخیز ډول تشریح کړل.
د یادولو وړه ده، چې د افغان نړیوال اسلامي پوهنتون اړوند د علمي چارو معاونیت له لوري دغه سیمینارونه د استادانو د علمي او مسلکي ظرفیت لوړونې، د ادارې مؤثرو پلانونو د پیاوړتیا او د علمي چارو لا ښه والي په موخه ترسره شول.
شنبه: ۲/۳/۱۴۰۵هـ.ش ۶/۱۲/۴۴۷هـ.ق
د نشراتو او عامه اړیکو آمریت.
